U ITA VHAFUNZIWA
NGUDO 10
Ḓiimiseleni U Thusa Vhathu Uri Vha Vhe Vhafunziwa
Vhulivhisi: “Ngauri ri a ni funa nga maanḓa, ro ḓiimisela u ni ḓivhadza mafhungo maḓifha a Mudzimu na u ḓikumedzela uri ri ni thuse.”—1 Vhathes. 2:8.
Zwe Yesu A Zwi Ita
1. Ṱalelani VIDIO, kana ni vhale Yohane 3:1, 2. Nga murahu ni fhindule mbudziso dzi tevhelaho:
-
Ni vhona u nga ndi ngani Nikodemo o dalela Yesu vhusiku?—Sedzani Yohane 12:42, 43.
-
Musi Yesu a tshi ṱangana na Nikodemo vhusiku, zwo vhonala hani uri o vha o ḓiimisela u ita vhafunziwa?
Ri Guda Mini Kha Yesu?
2. Nga nṱhani ha uri ri a funa vhathu, ro ḓiimisela u vha thusa uri vha vhe vhafunziwa.
Edzisani Yesu
3. Gudani nga tshifhinga na fhethu zwo teaho mugudiswa waṋu wa Bivhili. A nga vha a tshi takalela u guda nga ḽiṅwe ḓuvha kha vhege kana tshiṅwe tshifhinga kha ḓuvha. Naa u ḓo vha o vhofholowa u guda zwavhuḓi musi e fhethu hune a shuma hone, muḓini wawe kana e fhethu ha vhomuthumunzhi? Itani zwoṱhe zwine na nga kona uri ni shandule vhuimo haṋu u itela uri ni gude nae nga tshifhinga na fhethu zwo mu teaho.
4. Gudani tshifhinga tshoṱhe. Naho ni tshi ḓo vha ni siho, ni songo litsha u guda nae. Fhedzi, humbulani nga ha uri:
5. Rabelani uri ni vhe na mavhonele avhuḓi. Humbelani Yehova a ni thuse uri ni bvele phanḓa ni tshi guda na mugudiswa waṋu naho a sa gudi tshifhinga tshoṱhe kana a tshi khou lenga u shumisa zwine a khou zwi guda. (Vhafil. 2:13) Hu nga vha hu na zwithu zwavhuḓi nga ha onoyo mugudiswa, humbelani Yehova a ni thuse uri ni livhise ṱhogomelo khazwo.
