COME GIUTAR LA PERSONA A FAR COMPAGNO GESÙ
LESSION 10
Sfòrsate par far dissìpoli
Prinsìpio: “Semo stati determinadi a nò sol portarve le bone notìssie de Dio, ma anca a darve tuto de noantri, parché amemo tanto a valtri.” — 1 Tes. 2:8.
Come che Gesù lo ga fato?
1. Varda el VÌDEO, o ledi Gioani 3:1, 2. Dopo, rispondi a queste domande:
-
Parché che Nicodemo l’è ndà parlar con Gesù de note? — Vedi Gioani 12:42, 43.
-
Come che Gesù el ga mostrà che el volea pròpio far dissìpoli?
Cossa che imparemo de Gesù?
2. Noantri mostremo che amemo le persone quando le giutemo a far compagno Gesù.
Fà compagno Gesù
3. Stùdia cola persona nela ora e nel posto che l’è bon par ela. Che giorno dela stimana e che ora la podaria studiar? Pol esser che saria meio nel so laoro, nela so casa o in nantro posto? Pensa in quel che te pol far par cambiar la to programassion e cossita poder giutarla.
4. Stùdia con ela tute le stimane. Se qualche giorno no te pol far el stùdio, no stà assar par quel’altra stimana. Pitosto, proa far cossita:
-
Valtri podarissi studiar in qualche altro giorno dela stimana?
-
Te podarissi domandarghe a nantro predicador par far el stùdio?
5. Prega par pensar de maniera positiva. Pol esser che la persona no la ze bona de studiar tute le stimane o fursi la ghe mete de pi tempo par far quel che la ga imparà. Alora, prega a Geovà che el te giute a pensar nele so qualità e a no desister de insegnarghe. — Fil. 2:13.