WAAPAKA ATTHARELI
YOOSOMA 10
Okwanihera etthu mwiiwanannaanyu
Miruku sa mBiblyani: “Siso mwaha wowosivelani nyuwo vantxipale wànanisivela wovahererani kahiyene evanjelyu pahi, mene tho ekumi ahu, niwoko mònisiveliha opwaha.” — 1 Ates. 2:8.
Etthu Yesu aapankaawe
1. Moone EVIIDIYU, naari mmusome Yohani 3: 1, 2. Avinyaka mwaakhule makoho enttharelana:
-
Mwaha wa heeni Nikodemu aathanliyaawe oxekuriwa ni Yesu ohiyu? — Munwehe Yohani 12: 42, 43.
-
Yesu aatthekula ohiyu ni Nikodemu. Eyo enoonihera hayi weera aari oolikaneene weera akwanihere muteko woowaapaka atthareli?
Ntakihero na Yesu ninnixuttiha eheeni?
2. Ninnoonihera nsivelo wa atthu, vaavo nniilipiheraahu waakhavihera weera ekhale atthareli a Yesu.
Mutthareke ntakihero na Yesu
3. Mpakiheke yoosoma nipuro ni etempu yooreerela ya namasoma anyu. Apaale owo oothanla nihiku ni etempu yoophwanelela weera asome, nenno aneeraawe akhaleke ootaphuwa weera asome. Omutekoni, owannyawe naari nipuro ninviriwa atthu antxipale. Mwiilipihereke opaka matxentxo a mareherero anyu weera nwere okwanihera yootthuna ya namasoma anyu.
4. Musomeke woohihiyerera. Wakhala weera mookhala ni ekwaha, muhitxompeleke yoosoma. Opwaha mwa yeeyo, muupuweleke ha:
-
Neereke nyuwo mwaarowa opakiha yoosoma nihiku nikina na esemana ene yeeyo?
-
Neereke nyuwo pooti opakiha yoosoma munvarihelaka muteko telefooni naari video conferência?
-
Neereke nyuwo mwaarowa onvekela namalaleera mmoha weera apakihe yoosoma eyo?
5. Mpakeke nivekelo weera mukhaviheriwe okhalano mukhalelo wooreera. Munvekeleke Yehova weera ookhavihereni ohimuhiya ole mummuxuttihaanyu Biblya, pooti asomaka moohiyerereya naari apisaka ovarihela muteko ele onxutteraawe. (Afil. 2:13) Moohihovela, pooti weeraka owo mummuxuttihaanyu Biblya, ookhalano mikhalelo sooreera. Nvekeleke nikhavihero weera owo awehexexeke mikhalelo iyo.
