WAAPAKA AHUDHERI
Yohani 3:1, 2
YOOSOMA 10
Okhalana Yoolakela
Nlakihero: “Naahihakalala woolaleeryani ihapari sooreera sa Muluku. Masi ohiya paahi opaka eyo, hiyo naahileva okumi ahu wira nookhaliheryeni.”—1 aTes. 2:8.
Etthu Aapanke iye Yeesu
1. Moone EVIIDIYU aahiidho munsome Yohani 3:1, 2. Nuuvinya mwaakhule makoho anttharelana:
Etthu Ninhudha nhu ni Ntakihero na Yeesu
2. Ninnoonihera waapheta wihu atthu vaavo ninkhalanhuna yoolakela ya waakhalihera okhala ahudheri a Yeesu.
Muntakihe Yeesu
3. Munsomihe naskola nnyu opuro ni ewoora onoona iye oreerela. Woonawene owo pooti othanla nihiku nimodha aahiidho ewoora onoona iye oreerela wiira asome. Opuro seeni aaya iye okhala ootaphuwa wiira asome: Niire ontekoni, owannye aahiidho opuro onvira-viriwa? Vaweryaneyaka, mpake eprokaraama nnyu wiira nwerye olamalela makhalelo a naskola nnyu.
4. Munsomihe isumana dhootheene. Akhala wiira nnaweetta nkwaha woottaivela, nhiviliwe onsomiha naskola nnyu. Ohiya-vo, muupuwele wiira:
-
Niire mwanwerya onsomiha naskola nnyu nihiku nikina esumana yeela?
-
Niire mwanwerya onsomiha munrumeelaka telefooni aahiidho viidiyukoferensiya?
-
Niire mwanwerya onvekela namalaleerya nkina wiira ahale ansomihaka naskola nnyu?
5. Nvekele wiira nkhalena moonelo wooreera. Munvekele Yehova wiira ookhalihereni wiira nhihiye onsomiha naskola nnyu, hata ivaara dhikina owo ahisomaka isumana dhootheene aahiidho alekelaka ovarihela nteko ele onhudha iye. (aFil. 2:13) Woonawene naskola nnyu ookhalana mikhalelo dhawaatta dhooreera. Ndho munvekele Yehova wiira ookhalihereni woona mikhalelo idho dha naskola nnyu.
NITHO MMOONE
Mir 3:27; Miteko 20:35; 2 aKor. 12:15