MAMPIANATRA
Jaona 3:1, 2
FIANARAN̈A 10
Tapakevitry Han̈ampy Olo Hanjary Pianatra
Toro lalan̈a: “Tianay mare anaro, ke tapakevitry zahay fa tsy vaovao tsarany Zan̈ahary fo amianay anaro, fa ain̈inay foeky koa. Tianay ankitin̈y anaro.”—1 Tes. 2:8
Ino Raha Nataony Jesosy?
1. Zahava VIDEO, na vakia Jaona 3:1, 2, baka io valia fan̈ontanian̈a aby ty:
Ino Raha Ianarantsika Baka amy Jesosy?
2. Fitiavantsika olo mahavy atsika tapakevitry han̈ampy iro baka hanjary pan̈aradia Jesosy.
Aleva Tahaka Jesosy
3. Ataova mifan̈araka amy pianatrananao lera ndreky tany hianaran̈a. Mety misy andra na lera mety aminany tsarabe tiany ianaran̈a. Aia ma zio? Amy tany iasany, sa antran̈onany, sa amy tany fitsangatsanganan̈a? Koa mety, ivoà mifan̈araka amy zen̈y programonao.
4. Aza tapahan̈a fianaran̈a. Anao koa tsy afaka, aza foan̈ana fianaran̈a. Diniha hely ty:
-
a. Tsao anao afaka mampianatra izy aminy andra hafa aminy herin̈iandra io fo?
-
b. Tsao mety atao amy telefony na vidéoconférence fianaran̈anaro?
5. Mivavaha baka hanan̈a toetsain̈y tsara. Izikoa olo ampianarinao matetiky tsy afaka mianatra na elaela vo man̈araka raha nianarany, mivavaha amy Jehovah han̈ampy anao tsy halaky ho rivan̈a. (Fil. 2:13) Aleva onon̈o fa maro toetry tsara anan̈any pianatranao, ke mivavaha amy Jehovah baka anao hifantoko amy zen̈y.
ZAHAVA KOA
Ohab. 3:27; Asa. 20:35; 2 Kor. 12:15
