KUVANGA MINLONGUKI
DILONGI 10
Tsikika Makani
Nsua wu Kibibila: “Mu kibila ki luzolo luwombo tuidi mu benu, tubaka makani bika to ku luzabikisa zitsangu zimboti zi Nzambi, vayi muingi kuluyekudila luzingu luitu kibila tu luzolanga beni.”—1 Tesa. 2:8.
Mbi Yesu Kavanga
1. Tala VIDEO, voti tanga Yoane 3:1, 2. Bosi fiongunina biuvu binlanda:
-
a Kibila mbi Nikodemi kayolukila na Yesu va builu? —Tala Yoane 12:42, 43.
-
Buidi Yesu kamonisina ti wutsikika makani ma kuvanga minlonguki?
Mbi Tulenda Longuka Matedi Yesu?
2. Befu tulenda monisa ti tunzolanga batu, mu kutsikika makani malenda kuba sadisa kuba minsamuni mi zitsangu zimboti.
Landakana Kifuani ki Yesu
3. Longukilanu mu thangu ayi kibuangu nlonguki’aku kansola. Nandi kalenda sola kilumbu mu sabala voti thangu yi kulongukila. Kuidi nandi kalenda luta baka ndandu yi kulongukila, ku nzo’andi voti vama vankaka? Boti kuba, balula mua mambu muingi wununga kulongukanga yandi mu kilumbu ayi vama kasola.
4. Tatamana kuvana ndongukulu. Boti wisinnunga ko kue mvana ndongukulu yi Kibibila, bika kuvonga. Vayi landakana mambu amama:
5. Sambila muingi wuba mayindu mafuana. Dinda kuidi Yave muigi ka kusadisa ayi kasadisa nlonguki’aki kaba nsamuni, kheti nandi kalongukanga ko beni voti kafika sadilanga ko mambu kanlonguka. (Fili. 2:13) Mba nlonguki’aku widi zikhadulu zimboti. Diawu sambila muingi wutsikika mayindu maku mu zikhadulu beni.
TALA MVANDI
Zinga 3:27; Mava. 20:35; 2 Koli. 12:15
