KITULA BATU MINLONGUKI
DILONGI 10
Wukivani
Tsikudukusu: “Buawu bobo tuzola, bika sia ti kulusamunina nsamu wumboti kaka vayi kuluyekudila luzingu lueto bila beno lukituka bakiluzolo beto.”—1 Tes. 2:8.
Diambu mbi Yesu kavanga
1. Tala VIDEO, voti tanga Yowani 3:1, 2. Ayi tadileno biuvu biabi bilandikini:
-
Bila mbi Nikodemi kazola kue batila Yesu va builu?—Tala Yowani 12:42, 43.
-
Bo kakikinina solula ayi Nikodemi va builu, bue Yesu kamonisina ti weta kukiyekula mu kitula batu minlonguki?
Dilongi mbi tubeki kuidi Yesu?
2. Tueta monisa ti tueta zola batu mu thangu tulembo kivani mu kubasadisa bakituka minlonguki.
Sokudila Yesu
3. Longuka mu thangu ayi va buangu kio kifueni kuidi nlonguki wu Bibila. Thangu zinkaka kalenda sobula lumbu kimosi mu sabala voti thangu mosi mu lumbu. Bulendakana wela yangalala longuka va buangu ki kisalu kiandi, ku nzo’andi, voti va buangu ki batu bawombo? Enati bufueni, bongisa programi yaku muingi yi fuanakana mu ziphuila ziandi.
4. Longukangeno kadika lumbu kio lusobula mu sabala. Enati wela sie baka ko thangu yi kue longukila ayi mutu beni, kadi be vonda programi yi ndongokolo yi lumbu beni. Vayi, wulenda:
5. Sambila muingi wuba mbueno yimboti. Lomba Yehova kasadisa wutatamana monisa kadulu ki kukivana kuidi mutu nio weta longuka yaku, buba ti kakadi longuka kadika thangu voti phasi kalembo moni mu sadila malongi ma Bibila mu luzingu luandi. (Flp. 2:13) Nlonguki kalenda ba bikadulu biwombo bimboti; sambila muingi wutula thalu mu bikadulu beni.
