BEET DISCÍPULOʼOB
XOOK 10
Ilawil a kaʼanskoʼob
Le Bibliaoʼ ku yaʼalik: «Yéetel kiʼimak óolal t-tsikbaltajteʼex le maʼalob baʼaloʼob ken u beet Diosoʼ, yéetel jeʼel tak k-kʼubik k-kuxtal ta woʼolaleʼexeʼ» (1 Tes. 2:8).
¿Bix tu beetil Jesús?
1. Chaʼant le VIDEOOʼ, wa xok Juan 3:1, 2. Tsʼoʼoleʼ ka tuukul tiʼ le kʼáatchiʼobaʼ:
-
1) ¿Baʼaxten Nicodemoeʼ bin u yil Jesús de áakʼab? (Ilawil Juan 12:42, 43).
-
2) ¿Bix tu yeʼesil Jesús jach u tsʼaamaj u yóol u beet discípuloʼob?
¿Baʼax k-kanik tiʼ Jesús?
2. Como k-yaabiltmaj le máakoʼoboʼ k-beetik tuláakal le ku páajtal utiaʼal k-kaʼanskoʼob.
Beet jeʼex Jesúseʼ
3. Kaʼans a j-xoknáal teʼ súutuk yéetel teʼ lugar maas maʼalob u yilkoʼ. ¿Baʼax kʼiin maas maʼalob u yilik u xook? ¿Maas wa maʼalob u yilik ka xooknak teʼ tuʼux ku meyajoʼ, tu yotoch wa tiʼ junpʼéel parque? Ilawil a tsʼáaik xook tiʼ teʼ súutuk maas maʼalob u yilkoʼ.
4. Ilawil ka xooknak cada semana. Wa maʼ kan kulaʼantal teʼ kʼiin u yaʼalmaj u xookoʼ jeʼel u páajtal a beetik lelaʼ:
5. Kʼáat u yáantaj Jéeoba. Kʼáat tiʼ Jéeoba ka u tsʼáatech u páajtalil utiaʼal u seguer a wáantik le j-xoknáaloʼ, kex yaan hora maʼ tu béeytal u jach xook wa kex istikyaj u tsʼáaik ichil u kuxtal le baʼax ku bin u kanikoʼ (Fili. 2:13). Kʼáat tiʼ Jéeoba ka u yáantech a wil le jatsʼuts modos yaan tiʼ le j-xoknáaloʼ.
