BIʼNIʼ DISCÍPULO
LECCIÓN 10
Gucané binni
Principiu stiʼ Biblia: «Pa ñanda cadi ca noticia galán si stiʼ Dios nga nudiʼdu laatu, sínuque dede né xpídadu, purtiʼ nadxiidu laatu» (1 Tes. 2:8).
Ni biʼniʼ Jesús
1. Biiyaʼ VIDEU RIʼ o biindaʼ Juan 3:1, 2. Despué guníʼ ique ni ná ca pregunta riʼ:
-
¿Xi zándaca bicaa Nicodemo cheʼ ra nuu Jesús huaxhinni? (Biiyaʼ ni ná Juan 12:42, 43).
-
¿Ximodo bisihuinni Jesús maʼ gudixhe ique gacané binni gaca discípulo?
¿Xi rusiidiʼ ejemplu stiʼ Jesús laanu?
2. Cumu nadxiinu binni la? nánnanu caquiiñeʼ gacanenu laacaʼ gácacaʼ discípulo.
Yenanda ejemplu stiʼ Jesús
3. Bidii estudiu binni lugar ne hora gacalaʼdxiʼ. ¿Ñee caguíxhebe padxí ne pora gudiiluʼ laabe estudiu la? Paraa jma ziuuláʼdxibe gudiiluʼ laabe estudiu: ¿Ra rúnibe dxiiñaʼ la? ¿Ra lídxibe la? O ti lugar ra nabé riuu binni.
4. Biyubi tu gudii estudiu laabe pa chiguireeluʼ. Pa chiguireeluʼ, cadi gábiluʼ estudiante stiluʼ qué zuni estudiartu. ¿Ñee huaníʼ íqueluʼ gúniluʼ tobi de ca cosa riʼ la?
5. Biʼniʼ orar Jehová para cadi guireeluʼ gana. Gunabaʼ Jehová gacané lii cadi guireeluʼ gana, jmaruʼ si pa qué runi estudiar estudiante stiluʼ guiráʼ semana o pa raca nagana para laabe gúnibe ni caziidibe (Filip. 2:13). Gunabaʼ Jehová gúʼyaluʼ ca cosa galán ni runi estudiante stiluʼ. ¡Nanna dxíchinu rúnibe stale cosa galán!
LAACA ZANDA GÚʼNDALUʼ
Prov. 3:27; Hech. 20:35; 2 Cor. 12:15
