BISUIDY BUÑ
LESIONY 10
Buny cumplir né dxiin ni ma naplo
Principio ni sieed ló la Biblia: «Diti nosi bisuidydo lóoto diitz sacró ni sieed de Dios, láaca goyoʼdo puext ñaitydo por lóoto, portín nigolú binladxdo lóoto» (1 Tes. 2:8).
Ni buny Jesús
1. Bibiʼ VIDEO o bíil Juan 3:1, 2. De ngú gon ximod rarexa guirá galrranabdiitz reʼ:
-
¿Xigony bibigax Nicodemo ronoʼ Jesús goxin? (Bibiʼ ni ná Juan 12:42, 43).
-
¿Ximod bislooy Jesús que nigolú gosacni par láabu ñacnébu buñ ñac xpiimbu?
¿Xí rasuidyno de ejemplo xtuny Jesús?
2. Nadxiʼno buñ, por ngú nanno que xchiinno láani ngú gacnéno buñ guidxin gac xpiin Jesús.
Bisuʼ Jesús
3. Bisuidy buñ ór né lagary ni labúuni láabu. ¿Rioladxbu toib dzú o toib ór par guisuidybu la? ¿Púti labúu nasacbu más sacró: ló xchiimbu la, lidxbu o ronoʼgolu buñ la? Órni labúuni, buny por guisuidylo láabu ór ni ma goniʼbu.
4. Gon que buñ ni guisuidylo, guisuidybu guirá xomal. Pal toibtica dzú diti sioʼlo, diti gaibylo láabu que diti guisuidyto. ¿Ma bunylo pensary ló ndeʼ la?
5. Gonab Jehová gacné looy par gonylo dxiincu né toib razón tzaay. Gonab Jehová gony dxich compromis ni naplo né buñ ni rasuidylo. Ndeʼ nigolú rasac pal buñcu diti rasuidy guirá xomal o rasac naganbu guisobbu ni casuidybu (Filip. 2:13). Gonab lóo Jehová gacné looy par gonylo pensary ló cualidades ni nap buñ ni casuidylo. ¡Napbu xidal!
