Lé Yesu Wɛ Do

Lé Mìasran Yesu Kpɔwɛ Lɔ Doɔ?

2. Nɔ amowo mɔnɔŋje mìwo nukplakplawo mɛ fafɛɖeɔ, woaɖonɔ ŋwi wo, yí nukplakpla lɔwo aɖonɔ ji mɛ nɔ wo.

 Sran Yesu

3. Ŋgbexonɔ nuxu shiin o. Ele mɔ mìasɔ susu ɖo fini mìkplakɔ nu le ji le nukplawema lɔ mɛ, sɔwu mɔ mìaxokɔ nuxu so ŋɖekpokpui ci mìnya kudo nyɔta lɔ nu. Nɔ èbiɔ nyɔ ao Bibla nukplavi lɔ se ɖegbɔɔ, gbɔn ji ɖɛ ni nywiɖe nɔ ana ɖoŋci. Nɔ dejeshi ɖoŋci lɔ o alo nu nyɔ ɖe ci yí desɔ koɖo Bibla nukplakplawoɔ, biɔ nyɔ buwo yi se, yí asɔ kpedo nu nɔ abu tamɛ kpɔ so nyɔ lɔ nu. Nɔ èkpɔɛ mɔ ye nukplavi lɔ mɔŋje enuvevi lɔ mɛɔ, míyi bu ji.

4. Zan enu ciwo ao nukplavi lɔ jeshi sa asɔ kpedo nu nɔ amɔŋje enu yoyu ciwo èkplɛkɔ mɛ. Le kpɔwɛ mɛ, gbɔxwe àtɔ enukplakpla so fɔnfɔnsoku nu koɖiɔ, àtɛnŋ ato enu ciwo yí ao nukplavi lɔ kpla vayi kudo nɔnɔmɛ ci mɛ mɛkukuwo le nu, le kleŋ mɛ.

5. Wa ɖaŋ azannɔ kpɔwɛwo nywiɖe. Keŋ gbɔxwe azan kpɔwɛ ɖeɔ, biɔ eoɖeki se mɔ:

1.    ‘Woamɔŋje kpɔwɛ lɔ mɛ fafɛɖea?’

2.   ‘Anyi Bibla nukplavi lɔ atɛnŋ amɔŋje kpɔwɛ lɔ mɛ fafɛɖea?’

3.   ‘Kpɔwɛ lɔ atɛnŋ akpedo anyi Bibla nukplavi nu, yí aɖo ŋwi susu vevi lɔ, yí danyi kpɔwɛ lɔ ɖekɛ kpoŋ a?’