?Jisas i Mekem Wanem?

 ?Yumi Lanem Wanem Long Eksampol Blong Jisas?

2. Taem yumi tij long fasin we i isi, ol man bambae oli tingbaot samting we yumi tijim long olgeta, mo bambae i tajem hat blong olgeta.

Folem Eksampol Blong Jisas

3. No toktok tumas. I nogud yu tokbaot evri samting we yu save long saed blong wan topik, be yu tokbaot nomo ol samting we i stap long buk blong stadi. Afta we yu askem wan kwestin, wet smoltaem blong studen i ansa. Sipos hem i no save ansa o i talem wan tingting we i no laenap wetem ol tijing blong Baebol, i gud yu askem sam narafala kwestin blong halpem hem blong i kasemsave long poen. Taem studen i kasemsave long men poen, yu muv i go long nekis haf.

4. Halpem studen blong yu blong i joenem ol niufala save wetem samting we hem i save finis. Eksampol, bifo we yu statem lesen long saed blong laef bakegen, i gud yu mekem smol tingtingbak long samting we studen i bin lanem finis long saed blong ded.

5. Yusum gud ol pijatok. Bifo we yu yusum wan pijatok, askem yu wan se:

1.    ‘?Pijatok ya i isi?’

2.   ‘?Bambae studen blong mi i kasemsave long hem?’

3.   ‘?Bambae i halpem studen blong i tingbaot men poen, be i no jes pijatok nomo?’