Weh Jeezas Mi Du

Weh Wi Laan Fahn Jeezas?

2. Wen wi teech eena wahn simpl way, peepl wahn memba weh wi teech dehn an ih wahn toch dehn haat.

 Bee Laik Jeezas

3. Noh taak tu moch. Foakos pahn di infamayshan eena di stodi lesn insteda taak bowt evriting yu noa bowt wahn tapik. Afta yu aks wahn kweschan, bee payshent ahn wayt fi mek yu styoodent ansa. If ih noh noa di ansa er if ih seh sohnting difrent fahn weh di Baibl teech, yooz ada kweschanz fi help ahn reezn pahn di tapik. If yu si dat yu styoodent andastan di mayn point, den moov aan.

4. Yooz weh yu styoodent don noa fi help ahn andastan nyoo teechinz. Fi egzampl, bifoa yu staat wahn lesn weh taak bowt di rezorekshan, yu ku du wahn lee rivyoo wid yu styoodent fi si weh ih don laan bowt weh hapm wen sombadi ded.

5. Yooz gud iloschrayshanz. Bifoa yu yooz wahn iloschrayshan, aks yuself dehnya kweschanz:

1.    ‘Di iloschrayshan simpl?ʼ

2.   ‘Ih wahn eezi fi mi styoodent andastan dis iloschrayshan?ʼ

3.   ‘Ih wahn help mi styoodent memba di mayn point fahn di lesn, ahn noh jos di iloschrayshan?ʼ