Jesuba odata

¿Kʼãrẽta kʼawuapanʉ Jesuba odadeba?

2. Dayirãba ẽbẽrarã jaradiabʉrʉde ãya ũrĩnaine jaradiadara, kĩrãbedayi kʼãrẽ ʉ̃rʉ bedʼeasita akʉza ãyi soidu jʉ̃ẽñi.

 Jesude kĩrãkʼa ora

3. Aukʼara bedʼearãra. Jõma jaradiarãra bʉa kʼawuabʉ ʉ̃rʉ, awuarabʉrʉ jaradiara lesion bʉa jaradiabʉ ʉ̃rʉ. Bʉa widi kʼãrãpe jʉ̃ãra bʉ nekʼawuabariba panʉita. Iya kʼawua ẽ bʉrʉ sãwũã panʉita adewara Daizeze Bedʼeaba jarabʉta awuara jarabʉbʉrʉ, kĩrã awuara widira, mawũã widibʉrʉba kʼarebayi bʉa jaradiabʉ ʉ̃rʉ biʼia kʼawuamarẽã. Bʉ nekʼawuabariba bʉa jaradiabʉ ʉ̃rʉ biʼia kʼawuabʉrʉde, maʉ̃arebemata jaradiara.

4. Kʼarebara bʉ nekʼawuabarira iyikʉzaʉba kʼawuamarẽã ʉ̃ra bʉrʉ kʼãrẽ kʼawuaita. Bari jaraita, lesion beidara piradrʉi ʉ̃rʉ jaradia jʉ̃drʉi naena bʉ nekʼawuabariaʼa kĩrãbebira iya kʼawuada ʉ̃rʉ, sãwũãdogota dayi beibʉrʉdera.

5. Biʼia zokʼara yizara. Yizadeba jaradiai naena, bʉyikʉza widira:

1.    ‹¿Ũrĩnebʉka naʉ̃ yizara?›

2.   ‹¿Mʉ̃ nekʼawuabaribara kaʉ̃ yizara biʼia ũrĩka?›

3.   ‹¿Mʉ̃ nekʼawuabaribara kĩrãbeika iyaʼa jaradiadara mawũã ẽ bʉrʉ kĩrãbeika yiza awa?