Kën ë Cïï Yecu Looi

Yeŋö Buk Piɔ̈ɔ̈c Tënë Yecu?

2. Të ye ɣok piööc ë kueer piɔlic, ka bïï kɔc ke guɔ ya muk ë ke nïïm ku ye ke gɔɔt puɔ̈th.

 Kiɛ̈ɛ̈të Yecu

3. Duk ë jam arëët. Tääu yïnɔm piny ë kë jäämkë yic awerekic ku acie kë ŋic ëbën yen bïï yïn ya jam ë lɔŋde. Të cïï yïn raan ye piɔ̈ɔ̈c thiëëc, ke tit ke yï lir puɔ̈u bï thiëc dhuknɔm. Na kuc të bïï yen ye dhuɔ̈knɔm thïn awu lueel kë wääc ke piööc ë Baibol, ke yï bɛn thiëc kɔ̈k thiëëc bïï yïn ke ye kuɔny bï deetic. Na cï raandun ye piööc wël thiekiic deetiic, ke yï duk wël kɔ̈k bɛn juak thïn, lakë tueŋ.

4. Luɔ̈ɔ̈i ë yith thɛɛr ŋic raandun ye piööc keek bïï yïn ke ye kuɔny bï yith kɔ̈k piööckë keek deetiic. Cït man, të këc week piööc guɔ jɔɔk cöök ë biäk jönërot, ke kɔŋ thiëëc ë biäk ë kën ë rot looi të cïï raan thou.

5. Ye kɛ̈ŋ ŋiɛc luɔ̈ɔ̈i apiɛth. Të këc yïn kääŋ guɔ luɔ̈ɔ̈i, kɔŋ rot thiëëc:

1.    ‘Nadɛ̈ kääŋ kënë piɔlic?’

2.   ‘Nadɛ̈ lëu bïï raandiën ya piɔ̈ɔ̈c guɔ deetic?’

3.   ‘Nadɛ̈ lëu bï raandiën ya piɔ̈ɔ̈c kuɔny bï wël thiekiic muk ë ye nɔm, ku acie kääŋ yetök?’