Nje Yesu a bolino̱

Nje di mokwano̱ na Yesu e?

2. Di bolane̱ te̱ byala be wam o lee̱, di me̱nde̱ jongwane̱ bato o kombe̱ nje bokono̱, di tapa pe̱ milema mabu.

 Embilane̱ Yesu

3. O si to̱po̱ jita. O mulopo ma langwa nje ye̱se̱ o bino̱ ońola to̱ti diwo̱ te̱nge̱, te̱me̱ye̱ nde o belēdi kalat’a jokwa ńeno̱ o busise̱. O baise̱ te̱ myuedi, be̱ we̱lisane̱ ná o bole mokwe̱ Bibe̱l epolo o jalabe̱. A si bi te̱ jalabe̱, to̱so̱ a boli te̱ jo̱nge̱le̱ di mate̱nge̱ne̱ belēdi ba Bibe̱l, baise̱ mo̱ myuedi ma mbata mi mongwane̱ mo̱ o dutea. Mokwe̱ Bibe̱l a máso̱ṅtane̱ te̱ to̱ti la belēdi, alane̱ jokwa oboso.

4. Ongwane̱ mokwe̱ Bibe̱l o we̱le̱ mulatako oteten a nje a mábiano̱ na belēdi ba peńa. K’eyembilan, obiana o mabotea to̱pea ońola bepumbwedi, we ná o po̱ngo̱ son a ndimbisedi ya nje okono̱ ońola bete̱medi ba bawedi.

5. Bolane̱ bedinge̱dinge̱ ńai a bwam. Obiana o mabolane̱ edinge̱dinge̱ ewo̱, baise̱ wame̱ne̱ ná:

1.    ‘Mo̱ yen edinge̱dinge̱ e wam e?’

2.   ‘Mo̱ mokwe̱ Bibe̱l a me̱nde̱ so̱ṅtane̱ mo̱ na bo̱bise̱ la ńolo e?’

3.   ‘Mo̱ e me̱nde̱ jongwane̱ mokwe̱ Bibe̱l o kombe̱ to̱ti la mom, seto̱ buka te̱ edinge̱dinge̱ e?’