A BO BEYEGHE
AYEGHLE 11
Ébubu a wokh
Tsin atsing : « Beleghane bifiè bi ne ébubu a wokh. »—1 Becor. 14:9.
É dzam Yésu a nga bo
1. Daghe ÉNGENGENG, nge ki a lang Matthieu 6:25-27. Éyong té wa fas minsili mi :
Za dzam bia yeghe ébe Yésu ?
2. Éyong bia yeghle aval é ne ébubu a wokh, bôt baa ye ki vuèn é dzam bi va yeghle bo, ye naa bia ye name min’nem mièba.
Vughe Yésu
3. Ô taa kobe abuiñ. Ndaane naa ô mane kobe é dzam sese wa yem nfa nlô-adzô ézing, kobghe fave é mam me ne ayeghle été. Éyong ô sili-yang ôyôm nsili, yaneghe naa n’yeghe Bible wiè a yalan. Nge aa yem ki éyalane nge ki naa éyalane dèñ da selane ya be bebela be ya Bible, silighe minsili mife mia ye ñe vole naa a fas ébe nlô-adzô mia yen. Éyong n’yeghe Bible wiè a wokh-hang, tsinighe ôsu.
4. Beleghan é dzam n’yeghe Bible wiè a nga yem-hang nfa ye naa ô vole ñe naa a wokh minféféñ mi-mam. Éfônan, kaa naa mi sum ayeghle da tsinane awômô bewu, ô ne bo ôyôm ôbaghle nfa é dzam n’yeghe Bible wiè a nga yem-hang nfa bewu.
5. Yemghe belane bifônan. Kaa naa ô belan éfônan, silighe wamièn minsili mi :