Ègzanp a Jézi

Sa ègzanp a Jézi ka aprann-vou

2. Lè ou ka anségné on moun èvè lidé tousenp, i ka sonjé sa ou di-y pibyen é sa ka touché tchè a-y.

 Pou imité Jézi…

3. Pa palé twòp. Pa chèché di tousa ou sav ; rété asi sé lidé-la ki adan liv-la zò ka étidyé la. Lè ou ka pozé étidyan a-w on kèsyon, ba-y tan réponn. Si i pa sav ka pou i réponn, oben si sa i ka di pa kay an menm sans ki Labib, pozé-y dé ti kèsyon anplis pou gidonné-y. Dépi i konprann lidé enpòwtan la, fè lapousuit.

4. Édé étidyan a-w fè lyannaj-la antrè sa i ka aprann é sa i ja konnèt. Pa ègzanp, avan ou koumansé lèson-la asi larézirèksyon, fè on ti kozé vitman èvè-y, pou wouvwè sa i aprann asi sa moun-mò ka divini.

5. Chwazi sé ègzanp-la ou ka pran la byen. Avan ou pran on ègzanp, mandé-w :

1.    « Ès i senp ? »

2.   « Ès sa ké fasil pou étidyan an mwen konprann-li ? »

3.   « Ès aprésa i ké sonjé lidé enpòwtan la, oben ès i ké sonjé yenki ègzanp-la ? »