Nú E Jíízọ̀s Beè Naa

Éé Ní E Nóò Lọl Ló Jíízọ̀s E?

2. Tṍó e nóòmà nu mm̀ sĩ́deè ea válí bá, gbò nen é kẽèa boo nú e nóòmà va vaá àé tọ́a vá ló.

 Nó Jíízọ̀s

3. Ó gá ló gã́bug bel. Tãa vó eo kọ́ọ̀ dénè nú eo nyímà ea kil ló togó belá, ló bel boo nú ea di mm̀ kpá eo gé nói ã́. Tṍó eo ni bĩ́íná bel nen eo gé nóòmà Kpá Káí lọ̀l, ĩ̀ìmà elá bànàe kọ á aalá. Be náa nyímá ààla àbèè kọọ̀ à kọ́ nú ea dú kele ló nú e Kpá Káí nóòmà, bĩináe dõona kà gbò bíb ea é nveè bá nèe kọ á dã́ ból ló. Tṍó ea ni dã́ tẽ́ ló kà ea di m, ò gbóó kilsĩ́.

4. Tú gbò nú ea nyímá nvèèmà bá nèe kọ á dã́ tẽ́ ló ãa nòòmànù. Dì belí nu dòòmà bá, besĩ́ ò kálá dààmà togó gè ló bel boo togó bel ea kọ́ nu ea kil ló kẽ̀èà aa kemà ú, òó láá tú ńkem̀ tṍó zọ̀ẹ loomá bel boo nú ea zẹ́ẹ́ nyimá ea kil ló dìtõ̀ò gbò e ba beè ù.

5. Nè nu dòòle ló ea bọ́ló. Besĩ́ ò kálá nè nu dòòle ló, bĩiná o bá kọọ̀:

1.    ‘É kọọ̀ nu dòòle lóí válí gè dã́ tẽ́ ló?’

2.   ‘É kọọ̀ nen em gé nóòmà nu é valẹ̀ bá dã́ tẽ́ ló?’

3.   ‘É kọ àé nveè bá nèe kọ á dã́ tẽ́ ló kà ea di m?’