Oviṋa Jesus mbya tjita

Matu rihongere ko ye okuza ku Jesus?

2. Indu tji matu hongo momuano omupupu, ovandu mave zemburuka imbi mbi twe ve hongo nu iho matji ve ṱunu komitima.

 Horera ku Jesus

3. O hungire oviṋa ovingi. Pendje nokuhungirira koviṋa avihe mbi mo tjiwa ohunga nepu ndo, yandja ombango koviṋa mbi ri membo ndi mamu rihongere ko. Tji wa zu nokupura epuriro, undja nomuretima komuhongwa woye okukuzira. Indu tje hi nokutjiwa eziriro poo tja yandja oumune woposyo ohunga nOmbeibela, ungurisa omapuriro warwe okumuvatera okuzuva epu ndo. Indu omuhongwa woye tja zuu nawa epu enanḓengu, kayende komurungu.

4. Vatera omuhongwa woye okuungurisa oviṋa mbi ma tjiwa rukuru kutja ma zuve oviṋa ovipe. Otjotjihorera, ngunda au hi ya uta okuhonga omuhongwa ehongwa ohunga nombendukiro, onawa okuhungirira koviṋa omuhongwa mbye rihonga rukuru ohunga novaṱi.

5. Ungurisa ovisasanekero nongengezero. Ngunda au hi ya ungurisa otjisasanekero, ripura omuini kutja:

1.    ‘Hapo otjisasanekero otjipupu okuzuva?’

2.   ‘Hapo omuhongwa wandje ma hakahana okutjizuva nawa?’

3.   ‘Hapo matji vatere omuhongwa wandje okuzemburuka epu enanḓengu, nungwari katjisasanekero uriri?’