Jesus Mịẹye Mị

Jesus Mịẹye Mị Te Ka Kị Wó Tolumọ Ma O?

2. Omịnị wó gbaamịnị egberi mịẹ bọụbọụ daba, kịmịotu kịalị wó gbaamịnị egberi mị ukie, bá egberi mị anị adụdụbo kpọ gbele mịnị.

 Jesus Dimịẹ

3. Biin egberiama ẹrẹkụmọ. Egberitịbị bọọ ị́ nimi wẹrịemi yebosẹ gbaasiin kụmọ, anịa fun bolou bọọ emi yebo kị kẹrị ẹrẹ. Biibịbị ị́ mọ akị ụbọ bii daba etipoutimi paraịbịbị koru. Ụbọ parụbịbị mị Bible mọ kẹnịsụọmọgha, anịghakpọ ụbọ bị parụbịbị nimighaba, zịnị biibịbị-ama akị baratụa ụbọ pịrịdá egberi kẹrị iroro. Ụbọ bị egberi bọọ sụọtuunimi daba tolumọ bọlọụ amú.

4. Ị́ mọmọ Bible tolumọmịnị ụbọ nimi wẹrịemi yeama ka kị baratụa ụbọ pịrịwẹrị aya yeama sụọtuunimi. Gbaamaba, fịịdẹ otubo emibara gbelemọ yọ bọọ ụbọ nimi wẹrịemi yeama kẹrị ẹrẹdẹ kị, fịị duo seri egberitịbị akị ụbọ mọ ẹrẹtei.

5. Ebibara tọnmọdịayeama akị tụamọ kịmịotu tolumọ. Anịkị tọnmọdịaye ị́ mọ akị kịmị tolumọ mịnị mị, iné angọ bii:

1.    ‘Mị tọnmọdịaye mị bọụbọụ emi a?’

2.   ‘Ị mọmọ Bible tolumọmịnị ụbọ bị kịalị sụọtuunimi a paaemi a?’

3.   ‘Teeki baratụa ụbọ pịrịwẹrị waị kịalị— egberi bị ukie a paaemi a o?’