Yesu Galaw Wa Ai Lam

Yesu Kaw Na Hpa Sharin La Mai Ai Kun?

2. Chye na loi ai hku sharin ya yang, shanhte matsing na, salum hpe hkra ya lu na re.

 Yesu Hpe Kasi La U

3. Ga law law hkum tsun. Lam langai hte seng nna chye da ai yawng hpe tsun dan na malai, hkaja laika kaw na lam hpe myit maju jung u. Ga san san ngut ai hpang, Chyum ga sharin a mahtai hpe myit galu let la u. Mahtai hpe n chye yang (sh) Chyum Laika hte shai ai ningmu tsun dan wa yang, dai lam hte seng nna shi atsawm sawn dinglik lu na ga san ni san u. Madung lam hpe shi chye na sai nga yang, matut sharin u.

4. Chye da chyalu sharin achyin lam ni hte matut mahkai nna, lam nnan ni hpe chye na wa hkra Chyum ga sharin hpe karum ya u. Ga shadawn, hkrung rawt ai lam hpe n sharin shi yang, si ai ni a masa hte seng nna Chyum ga sharin gara hku chye da ai hpe loi li san yu u.

5. Ga shadawn ni hpe atsawm lang u. Ga shadawn ni hpe n lang shi yang, tinang hkum tinang ndai hku san u:

1.    ‘Ndai gaw chye na loi ai ga shadawn kun?’

2.   ‘Ndai hpe Chyum ga sharin aloi sha chye na na kun?’

3.   ‘Ndai gaw ga shadawn hpe sha n-ga, madung lam hpe matsing hkra karum ya lu na kun?’