Ebya Yesu Akolha

Ni Byahi Ebya Thuk’ighira oku Yesu?

2. Thwamakangirirya omwa nzira nyolho, abandu ibakend’ibuka ebya thukabakangiriraya kandi ithukendi hika okwa mithima yabu.

 Gherereraya Yesu

3. Isiwakanaya bingyi kutsibu. Omwakanya k’eribugha ebyosi ebya wasi okwa mwatsi, hira omuwatho okwa mwatsi owamuliko owali omwa kitabu ky’er’ighiramo. Wabibulya ekibulyo, omw’ighumisirizya linda omwigha asubiraye. Amabya isyasi eky’erisubirya kutse iniaha amalengekania awathahambene n’esyongangirirya sye Biblia, kolesaya ebindi bibulyo erimuwathikya erilengekania oko mwatsi. Omwigha amabiriyitheghererya enzumwa ngulhu, mulhole embere.

4. Wathikaya omwigha wawu ahambanaye esyongangirirya mbyaka n’ebya asi. Ng’eky’erileberyako, muthe mwatsuka erisomo erihambire okw’ilhubuka, omwa bikuhi imwangana lhaba omwa ebya omwigha asi ebihambire okwa mibere y’abaholi.

5. Kolesaya ndeke eby’erileberyako. Wuthe wakolesya eky’erileberyako, yibulhaye:

1.    ‘Eky’erileberyako eki kin’olhobire?’

2.   ‘Omwigha waghe anemwendi kikenga lhuba?’

3.   ‘Kinemwendi wathikya omwigha waghe eryibuka enzumwa ngulhu—butsira erikwama k’ibuka eky’erileberyako lisa?’