Meac Jesus El Oruh

 Meac Kuht Kuh In Lotwelah Kacl Jesus?

2. Ke kuht luti ke inkacnek na fihsracsr, mwet uh ac fah esamyac ma kuht luti nuh selos, ac kuht ac fah sun insiaclos.

Etahel Jesus

3. Nimet sramsram puhslac. Lohacng na nuhke mwe lutlut ma oasr ke puk se ma orekmakihnyuck in lutlut an, ac kom in tiac sruhmuhn ma nuhkewa ma kom etuh ke sifac sacn. Tukun kom siyuck sie kihsen siyuck, mongfihsracsr in soano mwet lutlut lom an in tohpohklah. El fin nihkihn top nuh kac an kuh fahk siena ma tiac fal nuhke mwe luti in Bible, siyuck kuhtuh pac kihsen siyuck sahyac an in kohluhl nuhke top suwohs. Ke pacl se na mwet lutlut lom an el kahlwem tari ke mwe luti yohk srihpac an, som nuhke mwe lutlut se tok an.

4. Orekmakihn ma mwet lutlut lom etuh tari in kahsrel in kahlwem ke mwe luti sasuc uh. Ke sie mwe puhpuhlyuck, meet liki in muhtwacwacack ke sie mwe lutlut ke sifwil moulyak, ke kihtin pacl kom kuh in kalweni ma el lotwelah tari ke ohiyac ma sikyak ke mwet misac.

5. Sulaclah wo mwe puhpuhlyuck ma kom ac orekmakihn. Meet liki kom orekmakihn sie mwe puhpuhlyuck, siyuck sum sifacna:

1.    ‘Yac mwe puhpuhlyuck se inge fihsracsr?’

2.   ‘Yac mwet lutlut luhk ac sa na in kahlwem kac?’

3.   ‘Yac el kuh in esam mwe lutlut yohk kac uh —ac tiac mwe puhpuhlyuck sacn muhkwena?’