Wetin Jizɔs Bin Du?

Wetin Wi Lan Frɔm Jizɔs?

2. We wi tich simpul wan, pipul dɛn go mɛmba wetin wi tich dɛn, ɛn dat go tɔch dɛn at.

 Falamakata Jizɔs

3. Nɔ tɔk bɔku. Bifo yu tɔk ɔl wetin yu no bɔt wan patikyula tɔpik, pe atɛnshɔn to wetin di pɔblikeshɔn we una de stɔdi de tɔk bɔt. We yu aks kwɛstyɔn, peshɛnt wet fɔ mek yu studɛnt ansa. If i nɔ sabi di ansa ɔ tɔk sɔntin we de agens wetin di Baybul de tich, yuz ɔda kwɛstyɔn dɛn fɔ ɛp am tink bɔt di tɔpik. Wans yu studɛnt dɔn ɔndastand di men pɔynt, una go bifo.

4. Ɛp yu studɛnt fɔ yuz wetin i ɔlrɛdi no fɔ ɛp am ɔndastand nyu tin dɛn. Fɔ ɛgzampul, bifo una bigin lɛsin we de tɔk bɔt di layf we pipul dɛn we dɔn day go gɛt, sɔntɛm i go fayn fɔ tek smɔl tɛm ɛn go ova wetin di studɛnt dɔn ɔlrɛdi lan bɔt wetin de apin to dayman.

5. Tek tɛm yuz ɛgzampul dɛn. Bifo yu yuz ɛgzampul, aks yusɛf:

1.    ‘Dis ɛgzampul simpul?’

2.   ‘Mi studɛnt go ɔndastand am izi wan?’

3.   ‘I go ɛp mi studɛnt fɔ mɛmba di men pɔynt dɛn ɛn nɔ jɔs mɛmba di ɛgzampul?’