Adieyi Yesu Kavanga?

Adieyi Tulongokele Muna Mbandu a Yesu?

2. Vava tulongelanga muna mpila yaleboka, o wantu besungamena mana tubalongele ye tulenda simba ntima miau.

 Tanginina Yesu

3. Kuvovi mayingi ko. Vana fulu kia yika mawonso ozeye mu kuma kia diambu luna vovela, sia e sungididi muna mambu mena muna nkanda nulongokanga. Avo ovangidi e kiuvu, vingila e mvutu kuna luzindalalu lwawonso. Avo kazeye mvutu ko yovo oyikidi diambu ke dina ngwizani ko ye Bibila, vanga yuvu yankaka ilenda kunsadisa mu toma bakula e diambu diasina. Avo nlongoki obakwidi e mbuta diambu, olenda vioka muna diambu diankaka.

4. Sadisa nlongoki aku kawizanesa malongi mampa ye mana kazeye kala. Muna bonga e nona, vitila wavovela mu kuma kia lufuluku, entete vava zaya dina nlongoki kekwikilanga mu kuma kia nkala mafwa.

5. Kala ye ndekwa muna sadila e nona. Vitila wasadila e nona, ukiyuvula:

1.    ‘Nga e nona kiaki kialeboka?’

2.   ‘O nlongoki ame obakula kio mu nzaki?’

3.   ‘Nga kisadisa o nlongoki mu bakula e mbuta diambu kansi ke mu nona kaka ko?’