JÜNGER MAACHEN
LEKTIOUN 11
Op eng einfach Aart a Weis léieren
Grondsaz: „Esou ass et och, wann dir mat der Zong Wierder gebraucht, déi net liicht ze verstoe sinn. Wéi soll een do wëssen, wat gesot gëtt?“ (1. Kor. 14:9)
Wéi Jesus virgaang ass
1. De VIDEO kucken, oder Matthäus 6:25-27 liesen. Dozou dës Froen:
Wat léiere mir vu Jesus?
2. Wa mir op eng einfach Aart a Weis léieren, verhält eise Vis-à-vis besser, wat mir gesot hunn a mir beréieren säin Häerz.
Maach et ewéi Jesus
3. Schwätz net ze vill. Amplaz alles ze erzielen, wat s du zu engem Theema weess, konzentréier dech op dat, wat an der Publikatioun steet. Wann s du eng Fro stells, waart gedëlleg op d’Äntwert. Wann hien d’Äntwert net weess oder eppes seet, wat deem widdersprécht, wat d’Bibel seet, da stell zousätzlech Froen, déi him hëllefen, zur richteger Conclusioun ze kommen. Wann hien den Haaptpunkt verstanen huet, da fuer mam nächste Punkt weider.
4. Hëllef dengem Bibelschüler Neies mat deem ze verbannen, wat hie scho weess. Éier s du zum Beispill mat der Lektioun iwwer d’Operstéiung ufänks, kéints du kuerz widderhuelen, wat hie schonn iwwer den Zoustand vun den Doudege geléiert huet.
5. Iwwerlee gutt, wéi s du e Verglach asetz. Fro dech fir d’éischt:
