Yeˍsuˆ hkʼaˬ hkʼe te ve le?

Yeˍsuˆ ve awˬ lawn aˬ htoꞈ ma maˍ laˇ ve le?

2. Ngaˬ hui shu na gʼa tuˬ maˍ piˇ ve kʼo, yawˇ hui ngaˬ hui maˍ piˇ ve htaꞈ tawnˇ taˍ leh yawˇ hui ve nyi ma hkʼaw gaˬ tuˬ yoˬ.

 Yeˍsuˆ htaꞈ henˇ yuˬ ve

3. Tawˇ chi ma ma maˇ yaw ve. Awˬ lawn oˇ ve htaꞈ caˉ daꞈ ve ngaˬ hui teˇ ceuˬ le le htaꞈ kʼoˆ ve aꞈ kehˉ, liꞈ kʼoˆ hkʼaw cawˬ ve awˬ lawn kʼoˆ maˍ piˇ sheˍ. Na hkawˇ na piˇ peuˬ hkʼawꞈ nawˉ, yawˇ hkʼawꞈ laˇ ve htaꞈ law taˍ sheˍ. Yawˇ maˇ hkʼawꞈ gʼa ve maˇ heˆ leh maˇ cawˇ ve kʼo, awˬ lawn oˇ ve htaꞈ caˉ daꞈ ve awˬ lawn awˬ leuˉ kʼawꞈ na piˇ cawˇ ve yoˬ. Liꞈ hpu henˇ ve chaw a yeˇ uiˍ ve awˬ lawn htaꞈ na gʼa˗oˬ htaˇ, kʼawꞈ caˉ maˍ piˇ cawˇ ve yoˬ.

4. Liꞈ hpu henˇ ve chaw shiˍ˗oˬ ve leh awˬ lawn awˬ suhˉ hkʼaˬ hkʼe hawˍ daꞈ ve shiˍ tuˬ ga piˇ ve. Tawˇ pa haˉ te kʼo, kʼawꞈ teꞈ tu la ve awˬ lawn htaꞈ caˉ daꞈ ve maˇ gʼa henˇ sheˍ htaˇ, suh˗oˬ ve htaꞈ caˉ daꞈ ve aˬ htoꞈ ma gʼa henˇ˗oˬ ve ngaˬ hui kʼawꞈ na piˇ gʼa ve yoˬ.

5. Tawˇ pa haˉ yehˇ htaˇ hkʼa dehꞈ dawˇ nyi ve. Tawˇ pa haˉ maˇ kʼoˆ maˍ piˇ sheˍ htaˇ, a shu yawˇ awˬ to htaꞈ na nyi cawˇ ve:

1.    ‘Tawˇ pa haˉ chi na gʼa sha˗aw laˇ?’

2.   ‘Liꞈ hpu henˇ chehˇ ve chaw tawˇ pa haˉ chi htaꞈ na gʼa˗aw laˇ?’

3.   ‘Tawˇ pa haˉ chi ve Liꞈ hpu henˇ ve chaw a yeˇ uiˍ ve awˬ lawn htaꞈ tawnˇ gʼa˗aw laˇ, maˇ heˆ leh tawˇ pa haˉ htaꞈ ceh tiˉ tawnˇ gʼa ve laˇ?’