ສິ່ງ​ທີ່​ພະ​ເຢຊູ​ເຮັດ

ເຮົາ​ໄດ້​ບົດ​ຮຽນ​ຫຍັງ​ຈາກ​ພະ​ເຢຊູ?

2. ເມື່ອ​ເຮົາ​ສອນ​ດ້ວຍ​ວິທີ​ງ່າຍ​ໆ ຜູ້​ຄົນ​ກໍ​ຈະ​ຈື່​ສິ່ງ​ທີ່​ເຮົາ​ສອນ​ແລະ​ການ​ສອນ​ຂອງ​ເຮົາ​ກໍ​ຈະ​ເຂົ້າ​ເຖິງ​ຫົວໃຈ​ຂອງ​ເຂົາເຈົ້າ.

 ຮຽນ​ແບບ​ພະ​ເຢຊູ

3. ຢ່າ​ເວົ້າ​ຫຼາຍ​ເກີນ​ໄປ. ແທນ​ທີ່​ຈະ​ເວົ້າ​ເຖິງ​ທຸກ​ສິ່ງ​ທີ່​ເຈົ້າ​ຮູ້ ຂໍ​ໃຫ້​ເນັ້ນ​ທີ່​ເນື້ອ​ໃນ​ຂອງ​ປຶ້ມ​ທີ່​ກຳລັງ​ຮຽນ. ຫຼັງ​ຈາກ​ທີ່​ເຈົ້າ​ຖາມ​ຄຳ​ຖາມ​ແລ້ວ ໃຫ້​ອົດທົນ​ລໍ​ຖ້າ​ເພື່ອ​ໃຫ້​ລາວ​ຕອບ. ຖ້າ​ລາວ​ບໍ່​ຮູ້​ຄຳ​ຕອບ​ຫຼື​ຕອບ​ບໍ່​ຖືກ ໃຫ້​ໃຊ້​ຄຳ​ຖາມ​ເສີມ​ເພື່ອ​ຊ່ວຍ​ລາວ​ໃຫ້​ຫາ​ເຫດຜົນ​ໃນ​ເລື່ອງ​ນັ້ນ. ເມື່ອ​ຄົນ​ທີ່​ເຈົ້າ​ສອນ​ເຂົ້າ​ໃຈ​ຈຸດ​ສຳຄັນ​ແລ້ວ ກໍ​ໃຫ້​ໄປ​ຕໍ່.

4. ໃຊ້​ສິ່ງ​ທີ່​ລາວ​ຮູ້​ຢູ່​ແລ້ວ​ເພື່ອ​ຊ່ວຍ​ລາວ​ໃຫ້​ເຂົ້າ​ໃຈ​ສິ່ງ​ໃໝ່​ໆ. ຕົວຢ່າງ​ເຊັ່ນ ກ່ອນ​ເລີ່ມ​ບົດ​ຮຽນ​ກ່ຽວກັບ​ການ​ຄືນ​ມາ​ຈາກ​ຕາຍ ເຈົ້າ​ອາດ​ທົບທວນ​ສັ້ນ​ໆ​ວ່າ​ຄົນ​ທີ່​ເຈົ້າ​ສອນ​ໄດ້​ຮຽນ​ຫຍັງ​ໄປ​ແລ້ວ​ກ່ຽວກັບ​ສະພາບ​ຂອງ​ຄົນ​ຕາຍ.

5. ໃຊ້​ຕົວຢ່າງ​ປຽບທຽບ​ດີ​ໆ. ກ່ອນ​ໃຊ້​ຕົວຢ່າງ​ປຽບທຽບ ໃຫ້​ຖາມ​ໂຕເອງ​ວ່າ:

1.   ກ. ‘ຕົວຢ່າງ​ປຽບທຽບ​ນີ້​ງ່າຍ​ບໍ?’

2.  ຂ. ‘ຄົນ​ທີ່​ຂ້ອຍ​ສອນ​ຈະ​ເຂົ້າ​ໃຈ​ໄດ້​ງ່າຍ​ບໍ’

3.  ຄ. ‘ມັນ​ຈະ​ຊ່ວຍ​ຄົນ​ທີ່​ຂ້ອຍ​ສອນ​ໃຫ້​ຈື່​ຈຸດ​ສຳຄັນ​ບໍ ຫຼື​ຈື່​ແຕ່​ຕົວຢ່າງ​ປຽບທຽບ?’