Vyuma Alingile Yesu

Vyuma Muka Tunalinangula Kuli Yesu?

2. Kachi nge natunangulanga mujila yayashi, kaha vatu navanukanga vyuma natuvanangula nakuvaheta kumichima.

 Londezezenunga Yesu

3. Kanda kuhanjika chikumako. Muchishishisa chakuhanjika vyuma vyosena vize mwatachikiza hachihande kana, hanjikenu kaha vize vanahanjika muchihande muli nakushimutwila. Nge munahulisa chihula, kaha vandaminenu chilongesa chenu akumbulule. Kachi nge nahono kukumbulula chipwe nge nakumbu­lula vyuma vize vinalimbalaka navyuma yanangula Mbimbiliya, kaha alumunenuko chihula mangana mumukafwe ashinganyeke hachihande kana. Nge nevwishisa chishina, kaha nungulukilenu mupalangalafu yeka.

4. Kafwenu chilongesa chenu esekese vyuma vize atachikiza lyehi kuvyuma vyavihya ali nakulinangula. Chakutalilaho, shimbu kanda munungulukile muchilongesa chize chinakuhanjika hakusanguka, munahase kuvangila kuhituluka nenyi muvyuma vize alinangwile kutalisa kuvyuma vyeji kusolokanga kumutu nge nafu.

5. Zachisenu kanawa vyakutalilaho. Shimbu kanda muzachise chakutalilaho, lihulisenu ngwenu:

1.    ‘Uno chakutalilaho kana chachashi tahi?’

2.   ‘Uno chilongesa chami mwachivwishisa tahi?’

3.   ‘Uno nachimukafwa anuke chishina nguli nakusaka kushindakanya tahi nyi mwakanuka kaha chakutalilaho?’