Aju bʼant tuʼn Jesús

¿Tiʼ xnaqʼtzbʼil jaku tzʼel qiʼn tiʼj Jesús?

2. Qa ma tzʼajbʼen yol nya kwest quʼn, kʼonil tuʼn ttzaj kynan xjal aju in xi qxnaqʼtzaʼn kye ex kpol toj kyanmi.

 Kanoʼmila tiʼj Jesús

3. Miʼn yolina nim. Miʼn txi tchikʼbʼaʼna tkyaqil tqanil tiʼj jun xnaqʼtzbʼil te xjal. Mas bʼaʼn tuʼn tok tqʼoʼn twiʼya tiʼj tqanil tkuʼx toj uʼj in najbʼen kyuʼne tuʼn kyxnaqʼtzane. Qa ma txi tqanina jun xjel, qʼonxa ambʼil te xjal tuʼn ttzaj ttzaqʼweʼn. ¿Yajtzun qa mintiʼ ojtzqiʼn tzaqʼwebʼil tuʼn moqa in tzaj tqʼamaʼn jun tiʼ nya toj tumel? Bʼaʼn tuʼn t-xi tqanina junjuntl xjel te tuʼntzun tel tnikʼ tiʼj xnaqʼtzbʼil. Ex qa ya o tzʼel tnikʼ xjal tiʼj xnaqʼtzbʼil, jaku tzikʼxa toj juntl punto.

4. Qa ya ojtzqiʼn jun xnaqʼtzbʼil tuʼn xjal, jaku tzʼajbʼen tuʼna tuʼn tel tnikʼ kyiʼj akʼaj xnaqʼtzbʼil. Jun techel, qa ma txi tzyet kyxnaqʼtzane tiʼj aj kyjaw anqʼin kyimni, jaku tzaj kynaʼne aju ya ojtzqiʼn tuʼn xjal tiʼj xnaqʼtzbʼil lu.

5. Ximana kyiʼj techel che ajbʼel tuʼna. Naʼmxtoq tajbʼen jun techel tuʼna, xjelinkuya jlu:

1.    «¿Kwestpe tuʼn tel tnikʼ xjal tiʼj techel?».

2.   «¿Kʼelelpe tnikʼ xjal in xnaqʼtzan wukʼile tiʼj?».

3.   «¿Tzulpe tnaʼn xjal xnaqʼtzbʼil moqa oʼkx tzul tnaʼn techel?».