UKUPANGA AWASAMBI
ISAMBILILO 11
Muwasambilizya mu Nzila Impepuke
Icisinka cisundo: ‘Mwavwanga amazwi yano wakwivwicisya.’—1 Kor. 14:9.
Vino Yesu Wacisile
1. Tambani e VIDYO, nanti wazyani Mateyu 6:25-27. Apano mwasuke amawuzyo yano yakonkapo:
Avyani Vino Tukusambililako kwe Yesu?
2. Nga cakuti tukusambilizya mu nzila impepuke, awantu waliwakwizuka vino tukuwasambilizya swinya tuliwawafika pa mwezo.
Mwakolanya Yesu
3. Mutalandapo nkani. Ukucila ukulanda vyonsinye vino mwamanya pi lyasi lino mukusambililapo, mwawika amano kwe vino vili mwi buku lino mukuwomvya. Nga mwawuzya iwuzyo, mwalindililako katici pa kuti umusambi ayasuke. Nga cakuti atamanyile icasuko nanti walanda vino vipusine na vino Baibolo yikasambilizya, mwawuzya amawuzyo ya pa mbali pa kumwavwa ukwelenganyapo. Umusambi nga wivwicisya icisinka, mwaselapo vye.
4. Mwakwavwa umusambi ukulola vino ivisinka ivipya vilemenkine na vino wamanya kaali. Ku cakulolelako, pano mutani mutalike ukulanzyanya pi sambililo lino likulanda pa kuzyulupuka, mungatela te mulanzyanye nawe katici pe vyo wamanya kaali pe co cikacitika umuntu ndi wafwa.
5. Mwawomvya icete ivilanjililo. Pano mutani muwomvye icilanjililo cimwi mungayikolowozya ukuti: