KUVABESERA KUTI VAVE VAJIJI
CIJIJO 11
Jijisanyi ngo Njira Yakareruka
Ndhungamiriro: ‘Shandisanyi magama acikanesi kuzwisisa.’—1 Vak. 14:9.
Jesu Wakaitenyi?
1. Vonanyi VHIDHIYO, kana verenganyi Mateu 6:25-27. Perapo daviranyi muvhunjo jinotevera:
Tinojijenyi ngo Muezaniso wa Jesu?
2. Patinojijisa ngo njira yakareruka, vandhu vanozoceukija zvatakavajijisa no kubaya mwoyo javo.
Tevejeranyi Jesu
3. Mucadovereketa maningi. Kusiyapo kusanangura zvese zvamunoziva ngo pamusoro po shwiroyo, batikananyi pa zvamuri kujijaro. Pamunopera kuita muvhunjo veteranyi kuti mujiji wenyu adavire. Kudari iyena aazivi mupinguro wakona, kana akadavira mu njira icikazwirani no zvinojijiswa ngo Bhaibheri, shandisanyi muvhunjo kuti arangarijisise ngo pamusoro po shwiroyo. Mujiji wenyu akazwisisa fundo guru, endereranyi mberi.
4. Beseranyi mujiji wenyu kuti azwiranise zviro zvaari kujija no zvaanoziva. Inga muezaniso, mucito matanga kujija ngo pamusoro po rumuko, mungahwirijira padoko zvomakajija ngo pamusoro po mugariro wo wakafa.
5. Nasanyi kushandisa muezaniso. Mucito mashandisa muezaniso uri wese, jivhunjisenyi kudari:
-
‘Kunanga kuti iwona unozobesera mujiji wangu kuti aceukije fundo guru razvatiri kujijaro, kusiyapo kuceukija muezanisowo basi?’