Isi Yesu Abombile

Ngimba Tukumanyila Isyafiki Ukufuma kwa Yesu?

2. Linga tukumanyisya munjila imbepe, abandu bikuya pakukumbukila isi bamanyile kangi sikuya pakubafika pandumbula.

 Munkongeghe Yesu

3. Mungayobagha nyingi. Mmalo mwakuyoba syosa isi musimenye isyakufwana na isi mukumanyila nawe, mubombeleghe ibuku ili mukumanyila. Linga mulalusisye ilalusyo mughulileghe mbololo ukuti amule. Linga akammanya ansala pamo ayobile simo isi sitikukolelana ni fundo sya mu Baibolo, mubombeleghe amalalusyo agha ghabaghile ukuntula ukwinong’onelapo isi mukumanyila. Linga apilikisye ifundo inywamu mukindilileghe ukumanyila.

4. Mubombeleghe ifi afimenye ukuti muntule. Mwakifwanikisyo, bo mukali ukwanda ukumanyila isyakufwana nukusyuka, mubaghile ukulingania mbupimba isi amanyile kale isyakufwana na isi sikubombiwa linga umundu afwile.

5. Mubombeleghe kanunu ififwanikisyo. Bo mukali ukubombela ikifwanikisyo amwilalusye ukuti:

1.    ‘Ngimba ikifwanikisyo iki kipepe?’

2.   ‘Ngimba ummanyili wangu ikuya pakupilikisya kanunu?’

3.   ‘Ngimba kikuya pakuntula ukukumbukila ifundo inywamu?’