ଯୀଶୁ କʼଣ କଲେ ?

ଯୀଶୁଙ୍କଠାରୁ ଆମେ କʼଣ ଶିଖୁ ?

୨. ଯଦି ଆମେ ସହଜ ଉପାୟରେ ଶିଖାଇବା ତାହେଲେ ଆମ କଥାଗୁଡ଼ିକ ଲୋକମାନଙ୍କ ହୃଦୟକୁ ଛୁଇଁଯିବ ଓ ସେମାନଙ୍କୁ ତାହା ମନେ ରହିବ ।

 ଯୀଶୁଙ୍କ ଭଳି ଆମକୁ କʼଣ କରିବା ଉଚିତ୍‌ ?

୩. କମ୍‌ କହନ୍ତୁ । ହୁଏତ କୌଣସି ବିଷୟରେ ଆପଣ ବହୁତ କିଛି ଜାଣିଥିବେ, କିନ୍ତୁ ସେସବୁ ବିଷୟରେ ନ କହି କେବଳ ବହିରେ ଯାହା ଦିଆଯାଇଛି ତାʼ ଉପରେ ଆଲୋଚନା କରନ୍ତୁ । ପ୍ରଶ୍ନ ପଚାରିବା ପରେ ଟିକେ ଅପେକ୍ଷା କରନ୍ତୁ । ବିଦ୍ୟାର୍ଥୀକୁ ଉତ୍ତର ଦେବା ପାଇଁ ସମୟ ଦିଅନ୍ତୁ । ଯଦି ସେ ଉତ୍ତର ଦିଏ ନାହିଁ କିମ୍ବା କୌଣସି ଭୁଲ ମତ ଦିଏ, ତେବେ କିଛି ଏପରି ପ୍ରଶ୍ନ ପଚାରନ୍ତୁ ଯାହାଦ୍ୱାରା ସେ ନିଜେ ହିଁ ବିଷୟକୁ ଭଲଭାବେ ବୁଝିପାରିବ । ଯେବେ ବିଦ୍ୟାର୍ଥୀ ମୁଖ୍ୟ କଥାକୁ ବୁଝିଯାଏ, ତାʼପରେ ଆଗକୁ ବଢ଼ନ୍ତୁ ।

୪. ନୂଆ ବିଷୟକୁ ପୂର୍ବରୁ ଶିଖିଥିବା କଥାଗୁଡ଼ିକ ସହ ଯୋଡ଼ନ୍ତୁ । କିଛି ନୂଆ ଶିଖାଇବା ପୂର୍ବରୁ ବିଦ୍ୟାର୍ଥୀକୁ ମନେ ପକାଇ ଦିଅନ୍ତୁ ଯେ ସେ ସେହି ବିଷୟରେ ପୂର୍ବରୁ କʼଣ ଶିଖିଥିଲା । ଯେପରି, ମରିଯାଇଥିବା ଲୋକମାନଙ୍କୁ ପୁଣି ଜୀବିତ କରାଯିବା ବିଷୟରେ ବୁଝାଇବା ପୂର୍ବରୁ ଆପଣ ତାକୁ ପଚାରିପାରିବେ କʼଣ ତାକୁ ମନେ ଅଛି ଯେ ମୃତ୍ୟୁ ପରେ ଆମର କʼଣ ହୁଏ ।

୫. ଭାବିଚିନ୍ତି ଉଦାହରଣ ଦିଅନ୍ତୁ । କୌଣସି ଉଦାହରଣ ଦେବା ପୂର୍ବରୁ ଭାବନ୍ତୁ:

1.   କ. ‘କʼଣ ଏହା ବୁଝିବାରେ ସହଜ ?’

2.  ଖ. ‘କʼଣ ବିଦ୍ୟାର୍ଥୀ ଏହାକୁ ତୁରନ୍ତ ବୁଝିପାରିବ ?’

3.  ଗ. ‘ଏହି ଉଦାହରଣରୁ ମୁଁ ତାକୁ ଯେଉଁ କଥା ଶିଖାଇବାକୁ ଚାହେଁ, କʼଣ ସେହି କଥା ତାକୁ ମନେ ରହିବ ନା କେବଳ ଉଦାହରଣ ହିଁ ମନେ ରହିବ?’