DE MENSCHEN TO JINJA MOAKEN
11. KAPITEL
Soo lieren, daut et leicht to vestonen es
De Gruntsauz: “Wan jie met june Tung nich soone Wieed brucken, waut leicht to vestonen sent – woo wudd irjentwäa dan weeten, waut doa jesajcht woat?” (1. Kor. 14:9, NW)
Woo deed Jesus daut?
1. Kjikj ieescht daut VIDEO ooda läs Matäus 6:25-27, un dan denkj äwa dise Froagen no:
Waut lia wie von Jesus?
2. Wan wie soo lieren, daut de Menschen daut leicht vestonen kjennen, dan woaren dee daut em Denkj hoolen un äant woat daut uk to Hoaten gonen.
Woo kaust du Jesus nodoonen?
3. Räd nich too väl. Eenjemol jankat ons, aules to sajen, waut wie äwa een Teema weeten, oba dauts bäta, bie daut to bliewen, waut en daut Studia-Buak es. Wan du eene Froag stalst, dan lua jeduldich no de Auntwuat. Wan dee de Auntwuat nich weet ooda waut sajcht, waut nich met de Schreft stemt, dan bruck noch aundre Froagen toom dän halpen, daut rajcht to vestonen. Wan dien Bibelschiela de wichtichste Iedee ieescht vestonen kaun, dan moak bie daut näakjste Teema wieda.
4. Halp dän Schiela to seenen, woo daut Niee met daut tooppaust, waut dee aul jelieet haft. Ea du biejlikj een Kapitel äwa daut Oppstonen von de Doodes met dän studieescht, wurscht du kjennen äwa daut räden, waut de Schiela aul doaräwa jelieet haft, woo daut met de Doodes steit.
5. Doo Jlikjnisen kluak brucken. Ea du een Jlikjnis brukst, denkj äwa dit no:
