Ri xubʼan ri Jesús

¿Jas kqetaʼmaj chrij ri Jesús?

2. We kqakoj tzij che kʼax ta uchʼobʼik, kutoʼ ri winaq rech knaʼtaj che ri xqabʼij xuqujeʼ rech qas kopan pa ranimaʼ.

 Chabʼanaʼ awe ri xubʼan ri Jesús

3. Xiw ta at kattzijonik. Kabʼij ta che ri winaq ronojel ri awetaʼm chrij jun kʼutunem. Xaneʼ are chattzijon chrij ri kubʼij pa ri wuj re etaʼmanik che tajin kakojo. Are chiʼ kabʼan jun pregunta, chaweyej na ri kuya ubʼixik ri tijoxel. Are kʼu, we retaʼm taj ri kubʼij o kubʼij jun jastaq che kʼo ta pa ri Biblia, chabʼanaʼ más preguntas che rech qas kuchʼobʼ ri tajin kretaʼmaj. We ri tijoxel ya xuchʼobʼo, chatqʼax pa ri jun chik.

4. Chakojoʼ ri retaʼm chi ri tijoxel rech kakʼut jun kʼakʼ jastaq chuwach. Jun kʼutbʼal, we kimaj rilik jun kʼutunem che ktzijon chrij ri kʼastajibʼal, are sibʼalaj utz che nabʼe kixtzijon na rukʼ ri tijoxel chrij ri retaʼm chik.

5. Chachaʼ na ri kʼutbʼal che kakojo. Are chiʼ majaʼ kachaʼ jun kʼutbʼal, chachomaj wariʼ:

1.    «¿La are jun kʼutbʼal che kʼax ta uchʼobʼik?».

2.   «¿La aninaq kuchʼobʼo laʼ ri tijoxel?».

3.   «¿La kutoʼ ri tijoxel rech knaʼtaj che ri xinkʼutu o xaq xiw knaʼtaj ri kʼutbʼal che?».