Yezu Acitanji?

Tisapfundzanji na Pidacita Yezu?

2. Tingapfundzisa munjira yakukhonda nentsa, anthu anadzakumbuka pinaapfundzisa ife, pontho tinakhuya mitima yawo.

 Towezerani Yezu

3. Lekani kulonga kakamwe. M’mbuto mwakulonga pyonsene pinadziwa imwe thangwi ya pinthu pinacedza imwe, gomezerani kakamwe mphangwa ziri mu nsolo unapfundza imwe. Mungacita mbvundzo, dikhirani mwakupirira ntawiro wa nyakupfundza. Khala iye nee asadziwa ntawiro peno angalonga pinthu pyakuti nee pisabverana na pinapfundzisa Bhibhlya, citani mibvundzo inango yakuti inam’phedza kunyerezera. Nyakupfundza angabvesesa ntsonga, ndokoni kutsogolo.

4. Phedzani nyakupfundza wanu toera akwanise kusiyanisa pinapfundza iye cincino na pikhadziwa iye kale. Mwacitsandzo, mbamudzati kupfundza naye nsolo unalonga pya kulamuswa kwa anthu muli akufa, imwe munakwanisa kucedza naye pinthu pinadziwa iye thangwi ya anyakufa.

5. Citani mphole-mphole pakuphatisira pitsandzo. Mbamudzati kuphatisira citsandzo, bvundzikani:

1.    ‘Citsandzo ceneci ndi cakukhonda nentsa kubvesesa?’

2.   ‘Kodi nyakupfundza wanga anacibvesesa mwakukhonda nentsa?’

3.   ‘Cinaphedza nyakupfundza wanga kukumbuka ntsonga m’mbuto mwakukumbuka citsandzo basi?’