Yesuusi Assinore

Yesuusi Assinorinni Maa Ronseemmo?

2. Huwatate qarrisannokki garinni rosiinseemmoha ikkiro, mannu kulloommore qaaganno; hattono wodanansa loosoho kakkayisa dandiineemmo.

 Yesuusi Faale Hadhe

3. Lowore coyidhinoonte. Mitte hajo daafira affinoonnire gudissine kulantenni, xiinxallote borrora noo hedo illachishshe. Xaˈmo xaˈmitinihu gedensaanni, rosaanchu qola geeshsha cincitine agarre. Xaˈmote dawaro afinokkiha ikkiro woy Qullaawu Maxaafi rosi ledo sumuu yaannokkire qoliro, coye heeshshi gotti asse hedanno gede kaaˈlate wole xaˈmo xaˈme. Rosaanchoho qara hedo leeltinosiha ikkiro, wolete saˈe.

4. Haaro roso, rose saino halaali ledo xaadisanno gede kaaˈlesi. Lawishshaho, kaote daafira kulanno roso hanaffinara albaanni, alba rose saˈnoha reyino manni noo gara kulanno halaale haransitine qummi assa dandiitinanni.

5. Lawishsha hayyotenni horoonsidhe. Mitto lawishsha coyidhinara albaanni, kiˈneneeto togo yitine xaˈme:

1.    ‘Kuni lawishshi huwatate qarrisannokkiho?’

2.   ‘Rosaanchu qarramikkinni huwata dandaanno?’

3.   ‘Kuni lawishshi rosaanchu lawishsha calla ikkikkinni qara hedo qaaganno gede kaaˈlannoho?’