Kwagh u Yesu Er Yô

Ka Nyi Se Hen ken Ikyav i Yesu Nee?

2. Aluer se tese ior sha gbenda u taver ga yô, vea umbur kwagh u se tese ve la shi una kôr ve a ishima.

 Dondo Ikyav i Yesu

3. De lamen kpishi ga. De yemen u ôron hanma kwagh u u fe sha itinekwagh i ne lu lamen sha mi la ga, ver ishima sha kwagh u i tese shin takeda la. Wea pine mpin yô, tamber or u u lu henen Bibilo a nan la nana na mlumun. Aluer nan fa mlumun ga shin nan ôr kwagh zua sha kwagh u Bibilo i tese ga yô, pine mbampin mbagen mba vea wase nan u henen sha kwagh shon yô. Er nan kav jindikwagh la je, za ken hemen.

4. Er tom a akaa a orhenen Bibilo nan vande fan la u tesen nan akaa a he. Ikyav i tesen yô, cii ve ne hii u henen ityough ki ki ôr kwagh u mnder u mbakpenev la yô, vande saven kwagh u nan hen sha kwagh u mlu u mbakpenev la kpase.

5. Tesen akav sha kwaghfan. Cii ve u tese ikyav sha kwagh yô, pine iyol you wer:

1.    ‘Ikyav ne i taver u kaven ga kpa?’

2.   ‘Or u m henen Bibilo a na ne una kav kwagh u m soo u tesen ikyav sha mi ne wang kpa?’

3.   ‘Ikyav ne ia wase or u m henen Bibilo a na ne u umbur jindikwagh la, a kera lu ikyav i m tese la tseegh ga kpa?’