Ncaakacita Jesu

Ncinzi Ncotwiiya Kuli Jesu?

2. Ciindi notuyiisya munzila nguba-uba, bantu banooziyeeya nzyotubayiisya alimwi tuyoobasika amoyo.

 Amumwiiye Jesu

3. Mutani kwaambi zinji. Muciindi cakwaamba makani oonse ngomuzyi kujatikizya kaambo kali mukubandikwa, amubikkile maano kumakani aali mubbuku ndyomwiiya. Mwamana kubuzya mubuzyo, amulindile cakukkazika moyo kutegwa sikwiiya wanu aingule. Ikuti katabuzyi bwiinguzi naa waamba kaambo kateendelani anjiisyo zyamu Bbaibbele, amubelesye mibuzyo iiyungizyidwe iikonzya kumugwasya kukabona kaambo. Ikuti sikwiiya wanu wakamvwisya kaambo kayandika kapati, amuunke kukaambo katobela.

4. Amumugwasye sikwiiya kumvwisya njiisyo zipya kwiinda mukubelesya njiisyo nzyazi kale. Mucikozyanyo, kamutanatalika kwiiya makani aajatikizya bubuke, mulakonzya kwiinduluka mubufwaafwi nzyaakaiya kale sikwiiya wanu kujatikizya ciimo cabantu bafwide.

5. Amuzibelesye kabotu zikozyanyo. Kamutanabelesya cikozyanyo cili coonse, amulibuzye kuti:

1.    ‘Sena cikozyanyo eeci cilakatazya?’

2.   ‘Sena sikwiiya wangu ulakonzya kucimvwisya?’

3.   ‘Sena cilamugwasya sikwiiya wangu kunookayeeya kaambo kayandika kapati, naa unooyeeya buyo cikozyanyo?’