Yeso joŋ na joŋge là

Naa had mayse see Yeso là?

2. Naa yaŋ had jar de ɗeŋ maaga go gus no, saara ɗaw wããre naan yaŋ go ti gusi, lan naa du’ jiili ɓaara yaŋ lay.

 Joŋ doo Yeso no lay

3. Wãã wããre ngaɓa wa. Wãã fẽẽre maaga ndo de ko rage ti hadgen go ɓuy wa, amaa oo diŋ ti maaga wo ɓil kefdern mono. Ndo wii jag ɓe we no, gor yiŋgi jag ɓen desãy. Maapo ga se bay nen ɓe wa, noga yiŋgi jag ɓen bay tabge de Bible wa. Wii jag ɓe de ɗeŋ maa tigriŋ maaga á mo da’ yiŋgi jagn de see ɓe tu. Hayga á laa wer we go ne ngeel maa sen no, see de hadgen peele.

4. Kay jee maaga ndo had ne maa tab fẽẽre maaga á had ra defay de maaga á hay go de ko sen wo mono. Ko ba ɗa, taŋgu maaga nday tĩĩ wer hadge maaga wãã ti birgi jar húulí wo le go mono, fer wee ndalge ti ngeel maaga jar húulín wo ni mẽ’ẽ.

5. Ɗig go ti saɓlaŋ ɓon wo de woore. Taŋgu maaga ndo maŋ saɓlaŋ po mono, wii jag see ɓo ɗa ga:

1.    ‘Á na diŋ saɓlaŋ maaga mbe go gus yaw?’

2.   ‘Jee maaga ndi had ne laa mbe wer ɓe yaŋ go gus yaw?’

3.   ‘Á fer ge ɗiggi diŋ ti saɓlaŋn tawa yaw, mbala saɓlaŋn kay ne maa ferge ɗiggi ti fẽn maaga wùr hay had ne mo yawlà?’