Eaha ta Iesu i rave?

Eaha te haapii mai i to Iesu hiˈoraa?

2. Ia faaohie tatou i te haapiiraa, e haamanaˈo te taata i ta tatou i haapii atu e e putapû to ratou aau.

 A pee i to Iesu hiˈoraa

3. A faaohie i te parau. Noa ˈtu mea ite roa oe no nia i te hoê tumu parau, a haafaufaa râ i tei tuuhia i roto i te buka haapiiraa. A horoa ˈi oe i te hoê uiraa, a tiai te pahonoraa o ta oe piahi. Mai te peu aita o ˈna e pahono oioi aore ra aita ta ˈna pahonoraa e tano ra e ta te Bibilia e parau ra, a faaohipa i te tahi mau uiraa no te haaferuri ia ˈna. Ia taa anaˈe ia ˈna i te manaˈo faufaa, a haere i mua.

4. A tauturu i ta oe piahi ia faatuati te mau haapiiraa apî i ta ˈna i ite aˈena. Ei hiˈoraa, hou a haamata ˈi i te haapiiraa no nia i te tia-faahou-raa, a hiˈo poto i ta te piahi i ite aˈena no te feia pohe.

5. A faaohipa maite i te mau faahohoˈaraa. Hou a faaohipa ˈi i te hoê faahohoˈaraa, a ui ia oe iho:

1.    ‘Mea ohie anei te faahohoˈaraa?’

2.   ‘E taa oioi anei i ta ˈu piahi i te reira?’

3.   ‘E tauturu anei te reira i ta ˈu piahi ia tapea i te manaˈo faufaa eiaha noa râ te faahohoˈaraa?’