Te bin la spas te Jesús

¿Bin ya yakʼ jnoptik te bin la spas te Jesús?

2. Teme ma chujkuluk ya xkʼopojotik, ya xjil ta yoʼtan sok ya xkʼot ta yoʼtan te bin ya kakʼbeytik snop te ants winike.

 Nopbeya stalel te Jesús

3. Mame bayaluk ya xkʼopojat. Mame spisiluk ya acholbey yaʼiy ta jun-nax buelta te bin yakex ta snopel. Jaʼuknaxme ya awalbey skʼoplal te bin ya xchiknaj ta libro o ta folleto. Kʼalal ay bin ya ajojkʼoybeye, maliya te ya yakʼbat sujtib. ¿Jaxan teme ma stabey te sujtib o ma jaʼuk sujtib te bin la yale? Pasbeyaxan jojkʼoyeletik yuʼun jaʼnix ya stabey sujtib. Teme kʼotix ta yoʼtan-ae, kʼaxan ta yan punto.

4. Swenta ya xkʼot ta yoʼtan jun tema, albeya skʼoplal te bin anopojikix. Jich bitʼil teme ya ajachik te lección te ya yalbey skʼoplal te chaʼkuxajel, ya xjuʼ ya achaʼwilbeyikxan skʼoplal ta swenta te bin ya xkʼot ta pasel te kʼalal ya xlajotik.

5. Tsaa ta lek te bin ejemplo ya atuuntes. Kʼalal ya anop te ya atuuntes jun ejemplo, jojkʼoybeya aba:

1.    «¿Mabal chujkuluk ta ichʼbeyel swentail?».

2.   «¿Mabal wokoluk ya xkʼot ta yoʼtan?».

3.   «¿Jaʼbal ya xjul ta yoʼtan te bin ya x-akʼbot snop o jaʼ te ejemplo?».