Ceci Yesu a Linga

Nye tu Lilongisila ku Yesu?

2. Nda tu longisa lonjila ya leluka, omanu va ka ivaluka ovina tua va longisa, kuenje tu ka vetiya ovitima viavo.

 Setukula Yesu

3. Ku ka vangule calua. Yuvula oku tondongola ovina viosi wa kũlĩha viatiamẽla kosapi yimue, pole, tiamisila utima kocipama celivulu lielilongiso. Noke lioku linga epulilo limue, kevelela lepandi toke eci ondonge yove yi tambulula. Nda oyo ka yi tẽla oku eca etambululo, ale yi popia cimue ka ci likuata leci Embimbiliya li longisa, linga apulilo akuavo a pondola oku u kuatisa oku sokolola kueci a kasi oku lilongisa. Ondonge noke lioku kuata elomboloko lietosi lia velapo, amisiko lelilongiso.

4. Kuatisa ondonge yove oku tokekisa ovina a lilongisa ale, levi a kasi oku lilongisa cilo. Ndeci, osimbu kua fetikile oku endisa elilongiso liocipama cepinduko, loku teta onimbu, kũlĩhĩsa ovina ondonge ya kũlĩha catiamẽla kekalo liava va fa.

5. Talavaya ciwa lovindekaise. Osimbu kua tukuile ocindekaise cimue, lipula ndoco:

1.    ‘Anga hẽ ocindekaise eci ca leluka?’

2.   ‘Ondonge yange yi ka kuata lonjanga elomboloko?’

3.   ‘Ci ka kuatisa hẽ ondonge yange oku ivaluka etosi lia velapo okuti—ka ivaluka lika ocindekaise?’