Yesuusi Oottidobaa

Yesuusappe Ay Tamaariyoo?

2. Akeekanawu waayissenna ogiyan nuuni tamaarissiyogee, asay nu tamaarissidobaa akeekanaadan ootteesinne eta wozanaa denttettees.

 Yesuusa Milata

3. Darobaa haasayoppa. Issibaa xeelliyagan neeni eriyo ubbabaa yootiyogaappe, xannaˈissiyo xuufiyan deˈiyabaa qonccissa. Issi oyshaa oychcha simmada, ne xannaˈissiyo uri zaarana gakkanaashin danddayan naaga. Zaaruwa I erennaba woy Geeshsha Maxaafay yootiyobaara maayettennabaa zaariyaba gidikko, qofaa I loytti akeekanaadan oottiya hara oyshata oychcha. Ne xannaˈissiyo uri waanna qofaa akeekikko, kaalliya qofaakko kantta.

4. Ne xinaatee tamaariyobaa kase I eriyobaara gattidi akeekanaadan maadda. Leemisuwawu, dendduwabaa xannaˈissiyogaa doommanaappe kase, hayqqidaageetu hanotaa xeelliyagan I tamaaridobaa qanttan zaarettana danddayaasa.

5. Leemisota akeekan goˈetta. Issi leemisuwa goˈettanaappe kase nena hagaadan oychcha:

1.    ‘Ha leemisoy qonccee?’

2.   ‘Taani xannaˈissiyo uri ha leemisuwa metootennan akeekanee?’

3.   ‘Ta xannaˈissiyo uri leemiso xallaa gidennan, waanna qofaa hassayanaadan hagee maaddanee?’