PANHIMO HIN DISIPULO
LEKSYON 11
Pagin Simple
Prinsipyo: “Kon diri masayon masabtan an iyo ginyayakan nga pinulongan, paonan-o mahibabaro an bisan hin-o kon ano an ginsisiring?”—1 Cor. 14:9.
An Ginbuhat ni Jesus
1. Kitaa an VIDEO, o basaha an Mateo 6:25-27. Katapos, batona an masunod nga mga pakiana:
-
Paonan-o igin-ilustrar ni Jesus nga hinigugma kita ni Jehova?
-
Bisan kon damu an nahibabaroan ni Jesus ha mga tamsi, ha ano nga simple nga detalye hiya nagpokus? Kay ano nga maopay ito nga paagi han pagtutdo?
Ano an Aton Mahibabaroan kan Jesus?
2. Kon simple an aton pagtutdo, hinunumdoman han mga tawo an aton igintututdo ngan maaabot ta an ira kasingkasing.
Subara hi Jesus
3. Ayaw pagyinakan hin damu. Imbes nga isumat an ngatanan mo nga nahibabaroan ha usa nga topiko, pagpokus la ha kon ano an aada ha iyo gin-aadman. Katapos mo magpakiana, mapailubon nga hulata an baton han imo study. Kon diri hiya maaram han baton o an iya baton diri uyon ha igintututdo han Biblia, gamit hin dugang nga pakiana basi mabuligan hiya nga masabtan an punto. Kon nasabtan na niya ito, padayon na ha sunod nga punto.
4. Ipakita ha imo study an koneksyon han imo itututdo yana ha iya na mga nahibabaroan. Pananglitan, antes tikangan an leksyon parte ha pagkabanhaw, puydi mo repasuhon hin madaliay an iya na mga nahibabaroan parte ha kahimtang han mga patay.
5. Magin maaramon ha paggamit hin ilustrasyon. Antes gumamit hin ilustrasyon, pakianhi an imo kalugaringon:
-
‘Simple ba an ilustrasyon?’
-
‘Masasabtan ba ini dayon han akon study?’
-
‘Makakabulig ba ini ha akon study nga mahinumdoman an nangunguna nga punto—diri an ilustrasyon la?’
