WHEN YOU DE MAKE DISCIPLES
LESSON 11
Teach for Simple Way
Advice: “Use language wey dey easy to understand.”—1 Cor. 14:9.
The Thing Wey Jesus Do
1. Watch the VIDEO, or read Matthew 6:25-27. Then think about this questions:
Wetin We Learn From Jesus?
2. When the way we de teach dey simple, people go remember wetin we teach them and e go touch their heart.
Copy Jesus
3. No talk too much. Instead of you to talk everything wey you know about the topic, make you put your mind for the things wey dey the book wey una de use study. After you ask question, make you wait for your student to answer. If e no know the answer or e talk something wey no agree with wetin Bible de teach, use other questions to help-am think the matter well. When your student don understand the main point, go the next point.
4. Use wetin your student don already know to help-am understand new things. For example, before you start to talk about the topic of resurrection, you fit discuss with the student small about wetin e don already learn about wetin de happen to people wey don die.
5. Dey careful about how you de use examples. Before you use any example, ask yourself say: