Diambu mbi Yesu kavanga

Dilongi mbi tubeki kuidi Yesu?

2. Mu thangu tulembo longi mu phila yikembolo phasi mu sudika, batu bela sudika mambu momo tukubalonga ayi mela simba mintima miawu.

 Sokudila Yesu

3. Kadi tubanga buwombo. Va buangu kiluta tuba buwombo mu diambu dimosi zebi, luta tudi mayindu maku mu nkanda wu ndongokolo. Ngeyo mana yuvula kiuvu, vingilanga mu mvibudulu woso mvutu wu nlonguki’aku. Enati kakadi zaba mvutu voti veni diyindu dio dikembolo nguizani ayi malongi ma Bibila, bue nyuvula diaka biuvu biobi bilenda kunsadisa kaluta bue yindudila mu diambu beni. Nlonguki’aku niandi sudika mayindu mangudi, viokeno mu tini kilandikini.

4. Sadisa nlonguki’aku mu nzila yi malongi mo kazebi muingi kasudika malongi mamona. Mu kifuani, tuamina lulonguka dilongi ditadidi pfulukulu, lulenda vutukila mu bukhufi mua ndambu mambu momo kalonguka matadidi lufua.

5. Sadila bumboti mboti bifuani. Tuamina wusadila kifuani, wukiyuvula:

1.    ‘Kifuani beni kisi ko phasi mu sudika?’

2.   ‘Nlonguki’ama kakuiza moni ko phasi mu kukisudika?’

3.   ‘Kiela sadisa nlonguki’ama kasudika diyindu dingudi​—vayi bika kuandi kaka kifuani?’