¿Bix tu beetil Jesús?

¿Baʼax k-kanik tiʼ Jesús?

2. Wa k-ilik ka naʼataʼak le baʼax k-kaʼansikoʼ le máakoʼoboʼ yaan u kʼaʼajsikoʼob yéetel yaan u kʼuchul tu puksiʼikʼaloʼob.

 Beet jeʼex Jesúseʼ

3. Maʼ a tsolik yaʼab baʼaloʼob. Tʼaanen chéen tiʼ le baʼax ku chíikpajal teʼ libro wa teʼ folleto táan a xakʼalxoktikeʼexoʼ. Maʼ a tratartik a tsolik tiʼ le j-xoknáal tuláakal le baʼax a wojloʼ. Le kéen a kʼáat wa baʼax tiʼeʼ, páaʼt u núukik, yanaktech paciencia. Chéen baʼaleʼ, ¿kux túun wa maʼ u yojel u núukil wa ku yaʼalik junpʼéel baʼal maʼ bey u kaʼansik le Bibliaoʼ? Beet uláakʼ kʼáatchiʼob tiʼ utiaʼal ka kʼuchuk u naʼat tu juunal. Wa tsʼoʼok u naʼatik le j-xoknáal le baʼax ka tsoliktiʼoʼ máankech tiʼ yaanal punto.

4. Meyajnaktech le baʼax u yojel le j-xoknáal utiaʼal a tsoliktiʼ túumben baʼaloʼoboʼ. Jeʼex wa yaan a tsoliktiʼ bix kun kaʼa kuxtal le kimenoʼoboʼ, jeʼel u páajtal u meyajtech le baʼax u yojel le j-xoknáal yoʼolal le baʼax ku yúuchul tiʼ máak kéen kíimkoʼ.

5. Yéey baʼax ejemploiloʼob kun meyajtech. Antes u meyajtech junpʼéel ejemploeʼ, tuukulnen tiʼ lelaʼ:

1.   1) «¿Maʼ wa difícil u naʼataʼaliʼ?».

2.  2) «¿Jeʼel wa u séeb naʼataʼal tumen in j-xoknáaleʼ?».

3.  3) «¿Jeʼel wa u yáantik in j-xoknáal u kʼaʼajs le baʼaloʼob kʼaʼanaʼantak kin tsoliktiʼoʼ?».